Di sala 1953yan de ji dayik bûye. Diya Ciwan dibêje “Min hingê nivîsî, roja ku min başî û xirabî, sitembarî û berxwedan ji hev cuda kir. Roja ku devê min tama talî û şêrînahiyê ji hev cuda kir, ew roj bûne destpêka nivîsandinê, min di hundirê xwe de bi evînekî mezin dinivîsî, lê bi bûyereke piçûk, bi wateyeke kûr, hew min dît ku nivîs xwe ji sînga min davêje ser rûpelan, ew dem jî di sala 1977 de bû.” Şeş zarokên wê hene, ji sala 1975an heta niha di gel malxwê xwe û zarokên xwe li Şamê, Taxa Kurdan dijî. Şi‘r û nivîsên wê di piraniya kovar û rojnameyên kurdî de weşiyane. Endama komîteya parastina mafê jinan e li Suriye. Diya Ciwan xelata sedsaliya Mustefa Barzanî-2003 û gelek xelatên din wergirtine.
Berhem
Pêlek ji deryayê kovanên min, şi‘r, Şam, 1992
Bazbend, çîrok, Şam, 1997
Hêsrên ziwa, şi‘r, Şam, 1998
Çîrokên kurda, beşê 1, 2004
Çîrokên kurda, beşê 2, 2007
Gotinên pêşiya, Duhok, 2007